СОНСГОЛ:.Цогтгэрэл: “ЭТТ” гэж гэрэлтэй, гэрэлгүй элдэв юм зүүчихсэн гацуур шиг. Өр зээл нь дийлдэхгүй байж зээл өгчихсөн ч байх шиг.

“Нүүрсний”хянан шалгах түр хорооны хоёрдахь шатны. сонсгол гуравдахь өдрөө үргэлжилж байна. Өнөөдрийн сонсголоор “Эрдэнэс Тавантолгой” ХК-ийн охин компаниудад оруулсан санхүүжилт, “Тавантолгой” түлш болон төсвийн шинжтэй санхүүжилт, Загийн усны хоолой, Тавантолгой дулааны цахилгаан станц, "Шивээ-Овоо", "Багануур"-т холбогдох асуудлаар шинжээчийн дүгнэлтийг сонссоноор гэрч нараас асуулт асууж, хариулт авч буй юм.  Үдээс хойшх сонсголоор Тавантолгой дулааны цахилгаан станцын үйл ажиллагаатай холбоотой шинжээчийн дүгнэлтийг сонслоо. Тодруулбал,  2020 оны 124 дүгээр тогтоолоор төрийн өмчит Тавантолгой дулааны цахилгаан станцыг байгуулах шийдвэр гарчээ.

УИХ-ын гишүүн О.Цогтгэрэл: “Эрдэнэс Тавантолгой” шинэ жилийн гацуур шиг. Гэрэлтэй гэрэлгүй баахан юм зүүлгэчихдэг тийм л байна. Өөрөө өр зээлтэй байж, зээл өгчихсөн ч байх шиг. Дулааны цахилгаан станц төсөл харьцангуй хамааралтай байж болох ганц төсөл гэж ойлголоо.